Основање на компанија

Друштвото со ограничена одговорност е трговско друштво во коешто едно или повеќе физички или правни лица учествуваат со по еден влог во однапред договорена основна главнина на друштвото.Во правниот промет со трети лица основачите на друштвото не одговараат лично за обврските на друштвото, но преземаат ризик за работењето на друштвото до висината на својот влог што го внеле во друштвото, додека пак трговското друштво одговара со целиот свој имот.

Фирмата на друштвото со ограничена одговорност мора да ги содржи зборовите „друштво со ограничена одговорност“ или ознаката „ДОО“. Доколку пак друштвото има еден содружник фирмата ги содржи зборовите „друштво со ограничена одговорност од едно лице“ или ознаката „ДООЕЛ“.

Основната главнина не може да биде помала од 5000 евра во денарска противвредност. Влоговите со кои што се исполнува номиналната вредност на основната главнина можат да бидат парични или пак непарични, а доколку истите се непарични потребно е да се изработи проценка од страна на овластен проценител за вредноста на непаричниот влог што ја сочинува основната главнина.

Основањето на друштвото се запишува во трговскиот регистар. Процесот на основање односно регистрација на трговско друштво, се спроведува од овластен регистрационен агент (адвокат) кој по електронски пат ги доставува потребните документи до Централен регистар на Република Македонија.

Потребните документи за основање на ДОО/ДООЕЛ можете да ги најдете на следниот линк:

Напомена: Горенаведеното не претставува правен совет и во никој случај не може да биде прифатен или разбран како инструкција за постапување во конкретен случај. Доколку ви е потребен правен совет контактирајте адвокат.